BERRIAK

2023-MARTXOAK 8 GOIZ EGUZKIN

Goizeguzki

Martxoaren 8an, “Emakumearen Eguna”, Goiz Eguzki abesbatzako emakumeok kontzertu irekia eskeiniko dugu Goiz Eguzkiko areto nagusian, 17:30tan.

Gure helburua da eguna kantuaren bidez ospatzea eta, aldi berean emakumeari protagonismoa ematea.

Abesti berri batzuk ikasi ditugu bereziki egun honetarako, eta horien artean “Agur Jaunak eta Andreak”. 2015ean, Euskal Herriko Unibersitatean, oso ezaguna den “Agur Jaunak” kantari aldaketa txiki batzuk eginda, berdintasuna eta laizismoa txertatzea lortu zuten. Geroztik, gero eta abesbatza gehiago ari dira aldaketa hauek ezartzen eta gure txanda ere iritxi da.

Kontzertura etortzen direnei letra berria banatuko zaie, denok elkarrekin abesteko eta ohiko
bihurtzeko.

SANTO TOMAS EGUNA 2022

Goizeguzki

Abenduaren 21ean, txistorrada, sari banaketa eta Gabonetako zozketa egingo ditugu Goiz Eguzkin

Festan parte hartzeko, bazkideek kuotak eguneratuta izan beharko dituzte eta tiketen bila pasa beharko dute bulegotik abenduaren 1etik 15ra, ohiko ordutegian. 

San Tomas egunean, txistorraz eta edaria (ura, sagardoa, zuritoa edo ardoa) gozatzeko txartelak emango dira.

GOIZ EGUZKI NEGUKO TXAPELKETAK

Goizeguzki

Urtero bezala, Goiz Eguzkin karta-txapelketak (musa, tutea, eskoba eta punttoa) eta kale-jokoak (igela, toka, potea eta diana) egingo dira.

Izen-ematea: bulego orduetan, 11tik 18ra. Izena ematean 5 euroko fidantza kobratuko da. Txapelketak amaitzean itzuliko da, baldin eta pertsona hori txapelketetara joan bada.
Txapelketak
– Mus: azaroak 21, 23 eta 25an
– Tute: azaroaren 28, 30, eta abenduaren 2an
– Eskoba: abenduak 5, 7 eta 9an
– Punttu: abenduak 12, 14 eta 16an
– Kaleko jokoak: azaroaren 29an eta abenduaren 1ean (euria egiten badu, hurrengo astera atzeratuko da)

Sariak egongo dira joko bakoitzeko txapeldunentzat eta txapeldunordeentzat.

Sariak abenduaren 21ean banatuko dira, Gabonetako Zozketaren eta Txistorradaren egunean.

ABESBATZEN TOPAKETA

Goizeguzki

Goiz Eguzki sortu zeneko 50. urteurreneko ekitaldien barruan, abesbatzen topaketa bat izango da. CUM JUBILO Abesbatzak (duela gutxi Vatikanoan abestu du) eta GOIZ EGUZKI Abesbatzak parte hartuko dute.
EGUNA: azaroak 12an
ORDUA: 17:30etan
LEKUA: Hernaniko San Joan Bataiatzailearen parrokian

GOIZ EGUZKIREN 50.URTEURRENEKO BAZKARIA

Goizeguzki

Urriaren 12an Goiz Eguzkiren 50. urteurrena ospatuko dugu bazkari batekin Atsegindegin.
Bazkide bakoitzak 20 € ordaindu beharko ditu. Gainerakoa Goiz Eguzkik jarriko du.
Parte hartu nahi baduzu, eman izena irailaren 23a baino lehen bulegoko ordutegian, whatsappen bidez edo posta elektronikoz.
Gogorarazi nahi dizugu urteko kuota ordainduta izan behar duzula.